ദേശീയം
തിരഞ്ഞെടുപ്പ് കമ്മീഷനെതിരെ രാജ്യവ്യാപക സമരവുമായി കോണ്ഗ്രസ് ജന്തര് മന്തര്, കൊല്ക്കത്ത, ചണ്ഡിഗഢ് തെരുവുകളില് പ്രതിഷേധം
ഡല്ഹി: ഡല്ഹിയിലെ ജന്തര് മന്തറില് കോണ്ഗ്രസ് പ്രവര്ത്തകര് ഒത്തുകൂടി. മുഖ്യ തിരഞ്ഞെടുപ്പ് കമ്മീഷണര് ജ്ഞാനേഷ് കുമാറിനെതിരെ മുദ്രാവാക്യങ്ങള് ഉയര്ത്തിയായിരുന്നു പ്രതിഷേധം. വെള്ളിയാഴ്ച കോണ്ഗ്രസ് പ്രവര്ത്തകര് വിവിധ സംസ്ഥാനങ്ങളില് പ്രതിഷേധം നടത്തി. ഡല്ഹി, ബിഹാര്, അസം, പഞ്ചാബ്, അരുണാചല് പ്രദേശ്, മണിപ്പൂര്, ഉത്തര്പ്രദേശ്, പശ്ചിമ ബംഗാള് എന്നിവിടങ്ങളില് പ്രകടനങ്ങള് നടന്നതായി റിപ്പോര്ട്ടുണ്ട്. മുഖ്യ തിരഞ്ഞെടുപ്പ് കമ്മീഷണര് ജ്ഞാനേഷ് കുമാര് രാജിവയ്ക്കണമെന്നാണ് പ്രതിഷേധക്കാരുടെ ആവശ്യം.
ഡല്ഹിയില് ജന്തര് മന്തറില് ഒത്തുകൂടിയ കോണ്ഗ്രസ് പ്രവര്ത്തകര് ജ്ഞാനേഷ് കുമാറിനെതിരെ മുദ്രാവാക്യങ്ങള് മുഴക്കി. തിരഞ്ഞെടുപ്പ് കമ്മീഷന് 'ഒത്തുതീര്പ്പിലായിരിക്കുകയാണ്' എന്ന കോണ്ഗ്രസിന്റെ ആരോപണവും ജ്ഞാനേഷ് കുമാര് സ്ഥാനമൊഴിയണമെന്ന ആവശ്യവും ഉയര്ത്തിയാണ് രാജ്യവ്യാപകമായി പ്രതിഷേധം സംഘടിപ്പിച്ചത്.